காணாமல் போன காந்தியமும் மீட்கப்பட்ட காந்தியின் உடமைகளும்

பெரும் பரபரப்பு, திருப்பங்களுக்கு மத்தியில் நேற்று (மார்ச் 7) நியூயார்க்கில் நடந்த ஏலத்தில் மகாத்மா காந்தியடிகள் பயன்படுத்திய பொருட்களை ரூ. 9.3 கோடிக்கு ஏலத்தில் எடுத்தார் இந்திய தொழிலதிபர் விஜய் மல்லையா. ஆனால் மல்லையா மூலம் மத்திய அரசுதான் இந்தப் பொருட்களை வாங்கியுள்ளதாக மத்திய கலாச்சாரத் துறை அமைச்சர் அம்பிகா சோனி கூறியுள்ளார்.

மகாத்மா காந்தி பயன்படுத்திய வட்ட மூக்கு கண்ணாடி, பாக்கெட் கடிகாரம், சந்தனத்தால் செய்யப்பட்ட செருப்பு, சாப்பாட்டு தட்டு, குவளை, ரத்த பரிசோதனை அறிக்கை, மாணவர்களுக்கு கையெழுத்திட்டு அவர் அனுப்பிய வாழ்த்து தந்தி போன்ற அவரது நினைவு பொருட்கள் ஜேம்ஸ் ஓடிஸ் என்ற அமெரிக்கர் வசம் இருந்தது.

அவர் காந்தியின் பொருட்களை நியூயார்க்கில் உள்ள ஆன்டிகோரம் என்ற ஏலமையம் மூலம் இன்று ஏலம்விடப் போவதாக தெரிவித்திருந்தார். இதையடுத்து இந்திய அரசு தலையிட்டு அவருடன் பேச்சுவார்த்தை நடத்தியது.

அப்போது ஓடிஸ் இந்திய அரசு பட்ஜெட்டில் ராணுவ செலவுக்கு முன்னுரிமை கொடுப்பதற்கு பதிலாக, ஏழைகளின் சுகாதார வசதிகளுக்கு அதிக நிதி ஒதுக்க வேண்டும் என்பது உட்பட சில நிபந்தனைகளை விதித்தார்.

ஆனால், அவரது நிபந்தனைகள் ஏற்க முடியாதவையாக இருந்ததை அடுத்து அது நிராகரிக்கப்பட்டது. இந்நிலையில் பிரதமர் மன் மோகன் சிங், இந்த ஏலத்தை ரத்து செய்ய முடிந்தவரை முயற்சிக்குமாறு கலாசார துறை அமைச்சர் அம்பிகா சோனிக்கு உத்தரவிட்டார்.

இந்நிலையில் கடைசி நிமிடத்தில் மனம் மாறிய ஜேம்ஸ் ஓடில் ஏலத்தை ரத்து செய்தார். ஆனால், இதை ஏற்றுக்கொள்ள மறுத்துவிட்டது. ஏலத்தில் பங்கேற்க 30 பேர் பெயர் கொடுத்து விட்டனர். சிலர் ஏலத் தொகையையும் தெரிவித்துள்ளனர். எனவே ஏலத்தை ரத்து செய்ய முடியாது என கூறிவிட்டது.

இதையடுத்து ஏலம் நடந்தது. ஆன்லைன் மற்றும் தொலைபேசி மூலம் ஏலம் நடத்தப்பட்டது. இந்த ஏலத்தில் திடீர் திருப்பமாக விஜய் மல்லையாவும் கலந்து கொண்டார். அவரது சார்பில் டோனி பேடி என்பவர் ஏலத்தில் பங்கேற்றார்.

ரூ. 9.3 கோடிக்கு அவர் காந்தியடிகளின் பொருட்களை ஏலத்தில் எடுத்தார். காந்தியடிகளின் பொருட்களை நாட்டுக்காக மல்லையா ஏலத்தில் எடுத்துள்ளதாக டோனி தெரிவித்தார்.

மத்திய அரசே வாங்கி விட்டது - சோனி

இதற்கிடையே, மல்லையா மூலம் மத்திய அரசே காந்தியடிகளின் பொருட்களை வாங்கியுள்ளதாக மத்திய அமைச்சர் அம்பிகா சோனி கூறியுள்ளார்.

இதுகுறித்து அம்பிகா சோனி செய்தியாளர்களிடம் பேசுகையில், மத்திய அரசு நேரடியாக ஏலத்தில் பங்கேற்க முடியவில்லை. எனவேதான் விஜய் மல்லையா மூலம் இந்த ஏலத்தில் பங்கேற்று காந்தியடிகளின் பொருட்களை மத்திய அரசு பெற்றுள்ளது.

விஜய் மல்லையாவின் ஏஜென்ட் நியூயார்க்கில் உள்ள இந்திய துணைத் தூதரகத்துடன் தொடர்பு கொண்டுள்ளார்.

கலாச்சாரத்துறையும், வெளியுறவுத்துறையும் இணைந்து காந்தியடிகளின் பொருட்களை பெறுவதில் முயற்சியில் ஈடுபட்டிருந்தன என்று கூறியுள்ளார் சோனி.

கைக்கு வர 2 வாரமாகும்

ஏலத்தில் மல்லையா காந்தி பொருட்களை எடுத்து விட்டாலும் கூட சட்டப்படியான நடவடிக்கைகளுக்காக இன்னும் 2 வாரங்களுக்கு ஆன்டிகோரம் நிறுவனத்திடமே ஏலத்தில் எடுக்கப்பட்ட பொருட்கள் இருக்கும்.

இதற்குக் காரணம், காந்தி பொருட்களை ஏலம் விடக் கூடாது என்று தடை விதித்து டெல்லி உயர்நீதிமன்றம் உத்தரவிட்டிருந்தது. இந்த உத்தரவை அமெரிக்க சட்டத்துறைக்கு இந்திய அரசு அனுப்பி வைத்து ஏலத்தை நிறுத்துமாறு கோரியிருந்தது.

இதையடுத்து ஏல நிறுவனத்தைத் தொடர்பு கொண்ட அமெரிக்க சட்டத்துறை, ஏலத்தை நடத்தலாம். ஆனால் அதை வாங்கியவர்களிடம், மறு உத்தரவு வரும் வரை பொருட்களை தரக் கூடாது என அறிவுறுத்தியிருந்தது.

இந்தியா தற்போது என்ன சொல்கிறதோ அதற்கேற்ப, ஆன்டிகோரம் நிறுவனத்திற்கு அமெரிக்க சட்டத்துறை உத்தரவு பிறப்பிக்கும். அதன் பிறகே மல்லையா கைக்கு ஏலப் பொருட்கள் வந்து சேரும்.


இது யாருக்கு அவமானம்:

நிச்சயமாக இது மகாத்மா காந்திக்கு அவமானம் தான் ஏனெனில் மதுவிலக்கை வலியுறுத்தி வாழ்நாள் முழுவதும் போராடியும், வாழ்ந்தும் வந்த அந்த கோவாணான்டியின் பொருட்களை ஒரு சாராய சாம்ராஜ்ஜியத்தின் அதிபதி மீட்டுவருவதும் அதற்கு ஏற்பாடு செய்ததே தாங்கள் தான் என தம்பட்டம் அடித்து கொள்ளும் காந்தியத்தை கொன்ற காங்கிரஸ் கட்சியும் என்ற செய்தி உண்மையிலேயே காந்தியை அவமானப்படுத்தும் செயல்தான் அதற்கு பதிலாக வேறு யாரேனும் முகம் தெரியாத அயல்நாட்டுகாரனிடம் இருந்தால் கூட நாளு பேருக்கு பயன்படும் வகையில் வைத்திருப்பான். பிராந்தி வித்த காசு கசக்காது என காங்கிரஸ் முடிவு செய்து மல்லையாவை அனுப்பியதோ என்னவோ.

நன்றி: தட்ஸ் தமிழ்.காம்

இழக்கின்றி முடிந்து போன சாம் இரண்டாவது மாநில மாநாடு

தமிழ்நாடு, புதுச்சேரி மாநிலங்களில் செயல்பட்டுக் கொண்டிருக்கின்ற பல்வேறு சமூக செயல்பாட்டுக்குழுக்களின் ஒருங்கிணைப்பான சமூக செயல்பாட்டு இயக்கம் (Social Action Groups – SAM) இரண்டாவது மாநில மாநாடு பிப்ரவரி 17 – 19-ல் திண்டுக்கல்லில் நடைபெற்றது.

கடந்த பிப்ரவரி 17ம் தேதி மாலை திண்டுக்கல் தரகுமண்டி குமாஸ்தாக்கல் மண்டபத்தில் மாலை சரியாக மூன்றறை மணிக்கு துவங்கியது. சமூக செயல்பாட்டு இயக்கத்தின் மாநில அமைப்பாளர் திரு. எல். அந்தோணிசாமி தலைமை தாங்கினார். திண்டுக்கல் மாவட்ட அமைப்பாளர் பீட்டர் வரவேற்புரையாற்றினார். முன்னாள் உச்சநீதிமன்ற நீதிபதி திரு. கிருஷ்ணய்யர் வீடியோ கான்பாரன்ஸ் மூலம் உரையாற்றினார். மாற்று நோபல் பரிசு பெற்ற ரூத் மனோரமா, இயற்கை வேளாண் விஞ்ஞானி கோ.நம்மாழ்வர் ஆகியோர் சிறப்புரையாற்றினார்கள்.

இதைத்தொடர்ந்து சமூக செயல்பாட்டு இயக்கத்தின் நிறுவனத்தலைவர் திரு. டேவிட் அவர்கள் மாநாட்டு விழா மலரை வெளியிட தமிழ்நாடு தலித் பெண்கள் இயக்கத்தின் துணைத்தலைவர் செல்வி பெற்றுக்கொண்டார். பெண்ணிய செயல்பாட்டாளர் லூசி சேவியர் இன்றைய சமூக சூழலும் சவால்களும் என்ற ஆய்வறிக்கையை வெளியிட அதை தமிழக மீனவப் பெண்கள் இயக்கத்தின் மாநில குழு உறுப்பினர் இந்திரா பெற்றுக்கொண்டார். பெண்கள் முன்னனி பொதுச்செயலாளர் கிறிஸ்ட்டி மாநாட்டு விழிப்புணர்வு பாடல்கள் அடங்கிய குறுந்தகட்டை வெளியிட அதை தமிழக ஆதிவாசி அமைப்புகளின் கூட்டமைப்பு பொதுச்செயலாளர் குணசேகரன் பெற்றுக்கொண்டார்.

நிகழ்ச்சியின் இடையே அவ்வப்பபோது விழிப்புணர்வு பாடல்கள் மற்றும் கலைநிகழ்ச்சிகள் நடைபெற்றது.

நிகழ்ச்சி நிரல் குளறுபடிகளின் உச்சகட்ட இரண்டாம் நாள் அமைந்தான. அழைக்கப்பட்டிருந்த சிறப்பு பேச்சாளர்கள் வாரமை, அவர்களுக்கு பதிலாக பேசியவர்களின் பொருத்தமில்லாத பேச்சுகள், தலைப்புகளுக்கு சம்மந்தமில்லாத பேச்சு என பார்வையாளர்களை எரிச்சலுக்குள்ளாக்கின. அதிலும் குறிப்பாக தலித்துகள் குறித்தான அமர்வில் அழைக்கப்பட்டிருந்த சிறப்பு பேச்சாளர் பங்கேற்காமை அதனை தொடர்ந்து பேசிய இரண்டு பெண்கள் பேச்சாளர்கள் பெண்கள் பிரச்சனை, மீனவர்கள் பிரச்சனை பற்றி பேச ஒருகட்டத்தில் பொறுமை இழந்த தலித் செயல்பாட்டாளர் தலித்துகள் பிரச்சனை பற்றி பேசும் போது மற்ற விசயங்கள் பேச வேண்டாம் தலைப்பின் கீழ் பேசும்படி குரல் எழுப்பினர். அப்பொழுதும் தலித் பிரச்சனை சரியாக எடுத்து வைக்கப்படாததன் விளைவாக கடைசியில் தாங்களுக்கு இந்த அமர்வில் உடன்பாடு இல்லை என்பதை காண்பிக்கும் விதமாக வெளிநடப்பு செய்தனர்.

பெரும் பொருட்செலவில் கிட்டத்தட்ட ஒன்றறை வருடங்களாக பல தயாரிப்பு கூட்டங்கள் நடத்தி வடிவம் கொடுக்கப்பட்ட, பல்வேறு தலைப்புகளில் ஏற்பாடு செய்யப்பட்டு, விவாதிக்கப்பட்ட நிலைப்பாடுகளை சொல்லும் அமர்வுதிஆவி என நிறைய முன்முயற்சி எடுக்கப்பட்ட மாநாடு அடைய வேண்டிய இழக்கு என்ன, அதற்கான வழிமுறை என்ன என்பதில் எந்தவிதமான தீர்க்கமான முடிவுகளையும் எடுக்கவில்லை என்னும்போது சிறிய வருத்தமே. நிறைய செயல்பாட்டாளர் பகிர்ந்து கொண்ட விசயம் 1995 திருச்சி மாநாட்டில் பேசிய அதே விசயங்களை இன்றும் பேசுகிறோம் அதற்கு சாமின் செயல்பாடுகள் எந்தளவிற்கு ஆக்கப்பூர்வமாக இருந்துள்ளது என்பது இன்னமும் கேள்விக்குறியே என்கின்றனர்.

மாநாட்டு தீர்மானங்களை செயல்பாட்டு குழுக்களிடம் கொண்டு செல்வது, மக்கள் மத்தியில் பிரச்சாரம் செய்வது, அதற்கு ஒரு மாற்று வடிவம் கொடுப்பது (அரசியல் வடிவம்??) என்ற தொடர்பணிகளில் எவ்வளவு தூரம் கடந்த 13 வருடங்களில் முனைப்புடன் இருந்துள்ளோம் என்ற சீர்தூக்கி பார்க்கும் முயற்சிகள் இல்லாத மூன்று நாள் திருவிழாவாக முடிந்து போனது.

மாநாட்டு நிகழ்வுகளை பற்றிய மேலாதிக விபரங்களுக்கு

நிழல்படங்கள்:http://picasaweb.google.co.in/jasul.tn/2ndStateLevelSAMConferenceAtDindugal

மாநாட்டு கலைக்குழு

#